Драги пријатели, ни претставува огромна чест и задоволство да Ве поканиме на вториот донаторски настан "ЗА МАЦИТЕ СО ЉУБОВ" во соработка со Рамстор Мол - Скопје (Ramstore Mall) на 11-12-13ти Март (Петок, Сабота и Недела) со почеток од 12:00 до 20:00 часот.

Драги пријатели, зелената треска повторно напаѓа!
И оваа година со огромна радост го најавуваме ВЕГЕФЕСТ, фестивалот кој го организираме по четврти пат, со цел да го насочиме вниманието кон најобесправените, речиси невидливи битија на овој свет - фармските животни.

ВЕГЕФЕСТ 2013 - РЕВОЛУЦИЈА КОЈА ПОЧНУВА ВО ТВОЈАТА ЧИНИЈА.. ЗА ПРАВАТА НА ЖИВОТНИТЕ!

ЗАЗЕМЕТЕ СТАВ. Неутралноста секогаш му помага на тиранинот, никогаш на жртвата. Молкот го охрабрува мачителот, никогаш оној кој е измачуван"

Зошто ВЕГЕФЕСТ? - ВЕГЕФЕСТ 2013

Денес постојат многу повеќе животни кои се искористуваат за храна, кожа, крзно, експерименти, лов или риболов, отколку што постојат луѓе на земјината топка. Тие го живеат својот пекол на оваа земја, само поради тоа што повеќето луѓе пасивно го конзумираат нивното тело, сметајќи дека не постои друга алтернатива. Да, пасивно конзумираат, бидејќи сме уверени дека повеќе од половина од тие конзументи веднаш би ги смениле сопствените навики, кога одблиску би се запознале што стои зад еден месен оброк, крзнена бунда и кожни обувки. И дека доколку се запознаат со судбините на животните, би се згрозиле и залагале за правата на животните, исто како што се залагаме и ние.

Токму затоа преку Вегефест сакаме да ви ја доближиме филозофијата на веганството, движење кое од ден на ден расте и рапидно се засилува, а кое како основен постулат подразбира исклучување на било каков облик на искористување на животните  (за храна, облека, обукви, забава, спорт) о и изнаоѓање на хумани, здрави, еколошки прифатливи алтернативи на живеење.

Во корелација со Светски здруженија за заштита на животните, повод Светската седмица против носење природно крзно,  „Анима Мунди„ заедно со „Асоцијација на активисти за заштита на правата на животните„ организира информативен и протестен Собир – перформанс против крзнената индустрија – како производството, така и купувањето на истото.

Сакаме да допреме до македонските граѓани и информираме за една од најбруталните индустрии на измачување и искористување на животните, влијаеме на граѓаните совесно да одлучуваат што ќе облечат и каква индустрија ќе финансираат.

Нашата намера е да придонесеме  за подобро информирање на граѓаните и посочиме хумани алтернативи, наместо крзно/кожа на животни кои ради своето крзно биле дословно масакрирани.