Природната селекција на Петре Шилегов се вика парвовироза/штенечак а Вардариште е дувло на овие вируси!
Не Петре. Не умираат од природна селекција. Умираат од вашето неработење и вртење на вистината. Малите кучиња ги убивате, осудувате на бавна смрт со нивното носење таму. И не е незнаење затоа што сто пати кажавме, туку така очигледно одговара – ги нема во евиденција, не се трошат пари за да се убијат, умираат сами во гушење, неописиви болки, органите, утробата им се распаѓа. Невидливи, заборавени од сите... Овие гревови беа заловени со нивната мајка, беа здрави, весели, игриви.
Почитувани,
По неколкудневното препукување на партиите за тоа кој е виновен за алармантната состојба со бездомните животни во градот при што само се креваат тензиите, но решение изостанува како по навика; се обраќаме до македонската јавност и надлежните институции бараме ургентно да се запре хајката врз бездомните кучиња кои деновиве масовно се ловат а се веќе стерилизирани и прифати нашата помош , знаење втемелено на соработката со најсилните меѓународни здруженија за заштита на животните и проценките на најефикасните светски искуства, која би значела воспоставување на контрола и постапно надминување на проблемот со бездомните кучиња што е во сечиј интерес.
Си игра ли Град Скопје со довербата на активистите за права на животните, како и довербата на секој граѓанин кој очекува проблемот со бездомните животни да биде ставен под контрола и конечно решен?! Дали се измама и лажни ветувања сите обврзувања за целосна реорганизација на стационар Вардариште, хуман третман на животните и инволвирањето на здруженијата за заштита на животни во неговото работење за да се надмине проблемот кој тековно само се продлабочи - за што во повеќе наврати доставивме конкретни предлози, укажувања и барање да се официјализира присуството на Анима Мунди како дел од управувачкиот тим на стационарот, но не добивме конкретен одговор?
Почитувани,
Се обраќаме до градоначалникот, советот и надлежните служби на општина Прилеп, како и до директорот на Агенција за храна и ветеринарство, итно да се запре со кревањето паника и страв во однос на бездомните кучиња во Прилеп, како и информациите за епидемија од лајшманиоза во општината и најавите за убивање на бездомните кучиња во градот.
Скопје 18.2.2018 г.
Почитувани новинари и организатори на Струмичкиот Карневал,
Доставена ни е фотографија од загрижени посетители на Карневалот и граѓани, на која се гледа како жив штрк се користи на фестивалот како маска, со цел да и се помогне на птицата.
Со цела должна почит кон фестивалот, кој ја негува традицијата и каде меѓу традиционалните маски од македонскиот фолклор во карневалската парада, преку сатира и креативност се вметнуваат и нови идеи за маски, фрапирани сме од леснотијата со која дозволувате животните да се користат за забавни цели како да се предмети.
Во отсуство на инвентивност и креативност, употребена е благородна дива птица како дел од маска при што птицата е оттргната од нејзината природна средина, затворена во мал кафез, непотребно изложена на страв и измачување. Во време кога дивиот свет ни се намалува рапидно пред очи, организаторот дозволува флагрантно кршење на законот за благосостојба на животните и уништување на дивиот свет, без трошка одговорност. Птицата е лишена од слобода, употребена небаре е евтина играчка купена во продавница и втурната безмилосно во карневалскиот метеж.
Почитувани членови, активисти, волонтери, новинари и љубители на животни, во однос на веста која деновиве е актуелизирана во Германија и која се однесува на 53 запленети бездомни кучиња од кои повеќето со македонски пасоши сакаме да информираме дека ниту едно од животните не е пратено преку здружението Анима Мунди и дополнително очекуваме да дојдеме до информации за што точно станува збор во овој случај.
Здружение за заштита на животни "Анима Мунди"
Телефон: 077 487 253
E-пошта: contact@anima-mundi.org.mk | anima.mundi.sk.mk@gmail.com
Денарска сметка
240090002006130
Депонент-Уни Банка А.Д.-Скопје