"Ветер во носот, земја и трева под нозете, грижа за своите младенчиња тие никогаш нема да почувствуваат .."

Нека не ве залажувааат термините хумано, модернизирано, европски стандардизирано одгледување на животни.

Се помалку крави по зелените ливади,  се помалку прасиња и кокошки кои весело трчкаат по дворовите на домаќинските куќи - денес "фармските " животни преживуваат животни на зомби.

Паралелниот свет на ужас кој се случува на сите модерни фарми, на кои се огледуваат животни за секакви можни намени и задоволување на сите наши конзументски потреби, како никогаш до сега се експолатирани и злоставувани.

Телињата веднаш се двојат од своите мајки, се сместуваат во тесни кафези, форсирано се хранат со течна храна, со недостиг на железо. Прасиците се наоѓаат и пред и по опрасувањето во тесни, метални боксови. Кокошките несилки се држат пет по број, на простор помал од простлан  весник, каде железните прачки на кои стојат им предизвикуваат болни рани на нозете и прстите, а од депресивната состојба ги кубат своите пердуви и крилја.

Гуските се држат во кафези каде со хидраулична пумпа им се вбризгува и до пола килограм храна (за неколку секунди) директно во стомакот, што предизвикува срцеви и бубрежни заболувања и до дваесет пати повисока стапка на смртност, отколку во природни услови на живот.